JESU a de l’ ojo oni
Lati se ase Re,
Jo masai wa si arin wa,
K’ O f’ ola Re ran wa.

Awa de pelu ese wa,
Nipa or’-ofe Re,
Lati je ninu ara Re.
Mu ninu eje Re.

Ese wa papoju, Jesu,
Ojojumo l’ a nda,
Sibe ma jek’ eru ba wa
Lati ba O jeun.

Jek’ a sunmo O bi omo,
K’ a toro ‘dariji,
K’ a mo pe Baba ki yio je
Ki omo Re segbe.

Bi ao ti je akara na,
Eun wa ni igbagbo;
Si jek’ a fi adura mu
N’nu ago eje Re.

K’ a to kuro niwaju Re,
Fun wa n’ inu didun,
K’ a mo p’ a ti ba O pade,
Pe a ti ba O je.